Croeso i wefan Eglwys Efengylaidd Ardudwy. Cymdeithas o bobol ydi'r eglwys sy'n cyfarfod yn y Capel Newydd, Stryd Fawr, Talsarnau, ger Harlech. Rydym yn ei chyfrif yn fraint i gael tystio i Efengyl ein Harglwydd Iesu Grist. Sy'n Newyddion Da o lawenydd mawr!

Ni allwn byth brofi bodolaeth Duw ac nid yw’r Beibl yn ceisio gwneud hynny. Mae gan bawb ohonom syniad am fodolaeth Duw a’i fod yn Dduw mawr.Er bod llawer o syniadau am greu y byd, mae’r ffaith fod y Beibl yn dweud mai Duw greodd y byd yn golygu dau beth:Ef yw ein Creawdwr ac felly rydym yn atebol iddo. Mae’r Beibl yn ein cyflwyno i Dduw sydd yn hollalluog ac yn hollwybodus. Mae’n gwybod ein meddyliau. Oherwydd mai Ef yw ein Creawdwr bydd yn rhaid i ni ateb ger ei fron am ein bywyd a’n gweithredoedd. Mae’r ffaith mai Ef yw ein Creawdwr yn golygu hefyd ei fod yn gwybod ‘beth sydd mewn dyn’. Fel mae rhieni yn adnabod eu plant yn dda, felly mae Duw hefo ni ac yn medru cydymdeimlo hefo ni. Neges yr Efengyl ydi fod Duw wedi dod i’n byd yn Iesu Grist - “y Duw ddyn” - ac oherwydd hynny ei fod yn ein hadnabod yn dda.